المحشش المرهف صاحب القلب الدامع في هذا البيت يرسم لنا صورة الفرقا وعذاباته..
شريت لي ثوبٍ على شان لقياك * والثوب راحت موضته ما لبسته..!!
هذا محشش ميكانيكي .. وكل إناء بما فيه ينضخ ..
قلبي قبل فرقاك ما ينقص الزيت **** واليوم أزيده في كل مشوار علبه
والمحشش صاحب عنبر13
الحب قطع قلوب البعارين****حتى الحمير السود يلعن جدفها
وفي هذا البيت أنا أجيز الشاعر المحشش فقد عبر عن حبه بصوره شعريه رائعه والقصيده عموما جيده:
يا ليتني في جيبك ريال مقطوع****يبقى معك ما يقبله اي دكان
وهذا بعد ما ضرب زقارة حشيش سوي فيها أحمد شوقي هو ووجهه :
ان لم تكن في كل الامور ذا عزيمة****فما عندك اليوم ماعند جدتي
وهذا ضايق من حبيبه بجد , الله لا يضيق علينا :
اضيق لي شفتك مع الناس مرتاح ****وارتاح لا ضاقت عليك الوسيعه
صوره شعريه أخرى تجسد الفكر لدى المحشش بعد ضرب الزقارة :
أحزن على فرقاك مثل الوراعين**** لآ مروا الدكان وأسرع أبوهم
وهذا محشش ما ينشد به الظهر , لأنه مازج الحضاره بالأصاله :
هات الذلول وهات قوطي سفن اب**** نغزي ديار القوم وناكل جلكسي
وهذا يعاني من مشكلة الإنشغال على الفاضي :
يامال فرقا العين كان ادفنوني ****وفارقت أنا الدنيا وانا عندي اشغال
وهذا محشش آخذ مقلب بنفسه :
قالت أحبك قلت ماهي غريبه **** سيارتي كشخه وانا حيل مزيون
وهذا المحشش يصف حبه الكهربائي :
أنا رفيقك لا ضرب كهربك شوط **** أفزع بسكروبي وأفك الضفيرة
وهذا المحشش زاحف من جد :
كان الوعد مابيننا حذفة احجار **** ومن كثر شوقي له حذفت وفلقته
غزل محشش معميهاااا مررررررة :
حب ك حشرني حشرت القير بثنين **** الضغط سته والتواير مصاليخ
وهذا محشش يصور مدى حبه لحبيبته حتلى وصل به الأمر أن يبحث عنها في
سطول الزبايل الله يروح به ..
يقول من عدا على راس برميل ** برميلن اصفر يسكنه كل بسه
فيه القطاوه ياجماعه مقاييل ** والبس بالبرميل ماوحيت حسه
وشاعر محشش يرسم صورة إبداعية عن التنافر والزعل اللي بينهم ..
كنّك و كنّي ياحبيبي مصاقيل *** كلما إنتلامس .. نبتعد وإنتفارق
وهذه مشاركة شاعر محشش في أسبوع المرور عن التهور في السرعة ..
مرحوم يابسّن على الخط مدعوس ** له ثلاثة ايام ماحدن درا به
وشاعر الحكمة مرطاخ بن مشذاب الحشيشي ماذا يقول في رد الجميل واحترام الآخرين..
قدرك كبير وفوق روسنا رفعناه ** عشان نوديه للمطبخ ونطبخ به عشانا
وهذا المحشش المنتف بعد مادج تدور السنة ولا كد شفت ورقة فئة (50) شوفوا وش يقول ..
البنك لولا لوحته ماعرفناه ** من قل ماندخل على موظف البنك
ماغير نقرا لوحته وانتعداه ** وان قيل هذا البنك قلنا اتركه عنك
شاعر السفر والترحال للتحشيش..
يروي معاناته مع غلاء اتذاكر والتنقل وارتفاع المعيشة عند بلد الزين ..
ياقرب واشنطن ولندن وباريس ** حذفة عصا للي رصيدة ملايين
وياعز حالي للرجال المفاليس ** اللي تضايقهم وجيه الديايين
وختم الأمسية الشعرية أكبر المحششين في هذا البيت ..
كل ماتدينت والمولى هداني ** ردني غض النهد للجاهليه
[center]
